ஆர்கே நகர் வந்த அதிமுக ஓபிஎஸ் யை வெளியே போ துரோகியே என முழக்கமிட்ட ஆர்கே நகர் மக்கள்...

என்னடா இது தர்மயுத்த நாயகனுக்கு வந்த சோதனை...

டெங்கு காய்ச்சலில் இருந்து தப்புவது எப்படி?

டெங்கு, பகலில் கடிக்கும் கொசுக்களால் பரவுகிறது..

எலிக் காய்ச்சல், பறவை காய்ச்சல், பன்றிக்காய்ச்சல் என்று உலகில் உருவெடுக்கும் புது புது காய்ச்சல்கள் அத்தனையும் நம்மை ஒரு புரட்டு புரட்டி விட்டது. இப்போது டெங்கு காய்ச்சல் மிரட்டுகிறது.

லேசான உடல் வலி... கொஞ்சம் வெப்பம் உடலில் தெரிந்தாலே டெங்குவாக இருக்குமோ என்ற பயம் தொற்றிக் கொள்கிறது.

டெங்குவை நினைத்து பீதி அடைவதை விட அதைப் பற்றிய விழிப்புணர்வு அவசியம் என்கிறார்கள் மருத்துவர்கள்.

பொதுவாக கொசுக்களால்தான் பல வியாதிகள் பரவுகிறது. ஆனால் டெங்குவை பரப்பும் கொசுக்கள் பகல் நேரத்தில்தான் கடிக்கும் ஏடிஸ் ஏஜிப்டி என்ற வகையை சேர்ந்த இந்த கொசுக்கள் தென் கிழக்கு ஆசியா, இந்தியா மற்றும் அமெரிக்கா ஆகிய வெப்ப மண்டல நாடுகளில் அதிகமாக காணப்படுகிறது.

இக்கொசுக்கள் தேங்கியுள்ள மழைநீரில், நன்னீரில் இனப்பெருக்கம் செய்யும். சூரிய உதயத்திலிருந்தது 2 மணி நேரமும் சூரியன் மறையும் மாலையில் 2 மணி நேரமும் இவை கடிக்கும்.

டெங்கு வைரசில் டைப்-1, டைப்-2, டைப்-3 மற்றும் டைப்-4 அகிய 4 வகை வைரஸ்கள் உள்ளது. தண்ணீர் தேங்கும் பகுதிகள், மக்கள் நெரிசல் மிகுந்த இடங்கள், பாசன பகுதிகளில் ஈடிஸ் கொசுக்கள் உற்பத்தி தாராளமாக இருக்கும். டெங்கு காய்ச்சலாக இருந்தால் காய்ச்சல் திடீரென ஏற்பட்டு திடீரென உடல் வெப்பம் அதிகரிக்கும். தலைவலி, உடல்வலி, எலும்பு மூட்டுகளில் வலி இருக்கும்.

2 நாட்களுக்கு மேல் தொடர் காய்ச்சல் இருந்து கொண்டே இருக்கும். காய்ச்சல் தானே ஒரு மாத்திரை வாங்கி போட்டால் சரியாகிவிடும் என்று நாமே மாத்திரைகளை வாங்கி சாப்பிடுவதை தவிர்க்க வேண்டும். உடனே ஆஸ்பத்திரிக்கு சென்று சிகிச்சை எடுக்க வேண்டும்.

டெங்கு டைப்-1 பாதிப்பால் தொடர்ந்து ஒரு வாரம் காய்ச்சல் இருக்கும். வேறு பாதிப்புகள் இருக்காது. ஒரு முறை டெங்குவால் பாதிக்கப்பட்டு சில நாட்கள் இடை வெளியில் மீண்டும் டெங்கு காய்ச்சல் வந்தால் 2-ம் நிலையில் இருப்பவர்களாக கருதப்படுவார்கள். ரத்தம் உறைவதற்கு தேவையான ரத்த வட்டுகளின் எண்ணிக்கை குறைவாக காணப்படும், வாய், மூக்கு பகுதிகளில் ரத்தம் வெளிவரும். இதில் நோய் முற்றியவர்கள் டைப்-3க்கு தள்ளப்படுகிறார்கள்.

இவர்களுக்கு ரத்த சிவப்பணுக்களின் எண்ணிக்கை குறைந்து ரத்த அழுத்தம், நாடி துடிப்பு குறையும். மயக்கம் ஏற்படும். உடலில் ஆங்காங்கே சிவப்பு புள்ளிகள் ஏற்படும். டைப்-2, டைப்-3 நிலையில் இருப்பவர்கள் தான் அபாயம் ஏற்படும். ஆனால் இப்போது முதல் நிலை பாதிப்பு மட்டுமே இருப்பதால் பீதி அடைய வேண்டியதில்லை.

டெங்கு காய்ச்சலை உறுதிப்படுத்த...

வெள்ளை அணுக்களின் மொத்த அளவை பரிசோதனை செய்தல், அதாவது ரத்தத்தில் சாதாரணமாக இருக்க வேண்டிய லியூகோ சைட்ஸ் என்ற வெள்ளை ரத்த அணுக்களின் அளவு (4000-10,000 சி.எம்.) எவ்வளவு குறைந்திருக்கிறது என்பதை பரிசோதனை செய்தல். எதிர்ப்பு சக்தியை பரிசோதனை செய்யும் ரத்த நிண நீர் பரிசோதனை ஆகியவைகள் இந்த நோயை கண்டுபிடிக்க பயன்படும்.

கொசுக்கடியில் இருந்து காப்பதன் மூலம் டெங்கு வராமல் தடுக்கலாம். எனவே வீடுகளை சுற்றி தண்ணீர் தேங்காமல் பார்த்து கொள்ள வேண்டும். தொட்டிகள், குடங்களில் பல நாட்கள் தண்ணீரை சேமித்து வைப்பதை தவிர்க்க வேண்டும். எப்போதும் சுற்றுப்புறங்களை தூய்மையாக வைத்திருக்க வேண்டும்.

டெங்கு காய்ச்சலுக்கு தடுப்பு மருந்துகள் உள்ளனவா?

ஆங்கில மருத்துவத்தில் இதுவரை கண்டுபிடிக்கப்படவில்லை
என்கின்றனர்.

சித்த, ஆயுர்வேத மருந்துகள் பெரிதும் பயனளிக்கின்றன.

நிலவேம்பு கசாயம் தினம் - காலை / மாலை 30 மிலி வெறும் வயிற்றில் 3 வாரம் தொடர்ந்து பருகினால் டெங்கு உள்ளிட்ட வைரஸôல் பரவும் சுரங்களைத் தடுக்க முடியும்.

ஆயுர்வேதத்தில் அம்ருதாரிஷ்டம் (Amrutha Aristitam) 25 மிலி மருந்து சமஅளவு வெந்நீருடன் கலந்து காலை, மாலை பருகினால் டெங்குவை தடுக்க முடியும்.

சித்த மருந்துகளில் பிரமானந்த பைரவம், வாதசுர குடிநீர் போன்றவை டெங்கு சுரத்தைத் தடுக்கவும், குணப்படுத்தவும் உதவுகின்றன...

விசிக மற்றும் கம்யூனிசம் எனும் அரசியல் வியாபார கட்சிகள்...

நீங்க யாருக்கு வேணும்னாலும் ஓட்டு போட்டுக்குங்க, ஏன் நீங்க நோட்டாவுக்கு கூட ஓட்டு போட்டுக்குங்க ஆனா, இவனுங்க யாருக்கு ஆதரவு தராங்களோ அவர்களுக்கு மட்டும் ஓட்டு போட்டுடாதீங்க...

பல லட்சம் செலவில் கட்டப்பட்ட நெல்லை திருக்குறுங்குடி பாலம் ஒரு ஆண்டில் இடிந்து விழுந்துள்ளது...

அதே நெல்லை சுலோக்சன முதலியார் பாலம் கட்டப்பட்டு 175 ஆண்டுகள் ஆகியும் இன்றும் கம்பீரமாக காட்சி அளிக்கின்றது..

50 ஆயிரம் செலவில் ஆங்கிலேயே கலெக்டர் தாம்சன் உத்தரவில் சுலோக்சன முதலியார் பண உதவியில் கட்டப்பட்டுள்ளது இந்த பாலம்...

ஆர்கே நகர் இடைத் தேர்தலில் தெலுங்கன் விஷால் ரெட்டி போட்டி...

பெண்ணின் வயிற்றில் 15 ஆண்டுகளாக இறந்த நிலையில் சிசு... மருத்துவர்கள் அதிர்ச்சி...

15 ஆண்டுகளுக்கு முன் கருக்கலைப்பு செய்த பெண்ணின் வயிற்றில் இருந்து இறந்த நிலையிலேயே சிசு இருந்தது கண்டுபிடிக்க நிகழ்வு அனைவரையும் அதிர்ச்சியில் ஆழ்த்தியுள்ளது.

மகாராஷ்டிரா மாநிலம் நாக்பூரைச் சேர்ந்த 52 வயது பெண் ஒருவருக்கு அடிக்கடி வயிற்று வலி ஏற்பட்டுள்ளது. ஆனால், அவர் அதனை பெரிதுபடுத்தாமல் சிகிச்சை பெறாமல் இருந்துள்ளார். இதனால், வயிற்று வலியும், கடந்த 3 ஆண்டுகளாக அடிக்கடி வாந்தி எடுப்பதும் என்று பிரச்சனைகள் அதிகரிக்கவே, அவர் மருத்துவரை நாடி எக்ஸ்ரே எடுத்துக்கொண்டார்.

அப்போதுதான் தெரிய வந்தது. அந்த பெண்ணின் வயிற்றில் 15 ஆண்டுகளாக இறந்த நிலையில் சிசு ஒன்று இருந்தது என்று... அதிர்ச்சியடைந்த அந்த பெண், தாம் 15 ஆண்டுகளுக்கு முன்பு கருவுற்றதாகவும், கணவர் மற்றும் குடும்பத்தாரின் எதிர்ப்பால் அதனை கலைத்தாகவும் கூறியுள்ளார்.
ஆனால், கருக்கலைப்பு செய்தவர்கள் தவறான சிகிச்சை அளித்ததால், கரு முழுமையாக கலையாமல் கர்ப்பப்பையிலேயே இருந்துள்ளது.

இதையடுத்து, 2 மணிநேர அறுவைச்சிகிச்சைப்பிறகு வயிற்றில் இருந்த சிசு அகற்றப்பட்டது. 4 மாதம் ஆன நிலையில் கருவைக் கலைத்ததே இந்த விபரீதத்திற்கு காரணம் என்றும் மருத்துவர்கள் கூறியுள்ளனர்.

கருக்கலைப்பு செய்யும் மருத்துவர்கள், வயிற்றில் உள்ள சிசு முழுமையாக கலைந்துவிட்டதாக என்பதை பரிசோதனை மூலம் தெரிந்து கொள்ளாமல் போவதே இதுபோன்ற விபரீதங்களுக்கு காரணம் என்றும் மூத்த மருத்துவர்கள் கருத்து தெரிவித்துள்ளனர்...

மழை வெள்ளத்தின் காரணமாக, ஆம்பூர் அருகே 30 - க்கும் மேற்பட்ட கிராமங்களுக்கு செல்லும் முக்கிய சாலை துண்டிப்பு...

மீனவர்கள் மீட்பு பணி தொடர்பாக இந்திய கடலோர காவல்படை வெளியிட்ட அறிக்கை...

கொச்சியிலிருந்து தென் மேற்கு மற்றும் தெற்கு பகுதியில் 25 நாட்டிகல் மைல் தொலைவில் நடுக்கடலில் தவிக்கும் மீனவர்களை மீட்கும் பணியில் இந்திய கடற்படைக்கு சொந்தமான டோர்னியர் விமானம் ஈடுபட்டுள்ளது.

மேலும் மீனவர்களை தேடி கொச்சியிலிருந்து கப்பல்கள் கிளம்பி சென்றுள்ளன. கொச்சி அருகே 8 மீனவர்கள் மீட்கப்பட்டனர்.

அலேப்பே அருகே 2 மீனவர்களை ஐஎன்எஸ் நீரேக்சாக் கப்பல் மீட்டது. திருவனந்தபுரம் அருகே 2 இறந்த மீனவர்களின் உடல்களை ஐஎன்எஸ் காகர்வானிகப்பல் மீட்டது.

விழிஞ்சம் கடற்கரை அருகே 15 மீனவர்களை மீட்டது. இவ்வாறு அதில் கூறப்பட்டுள்ளது...

சாகர்மாலா எனும் சவமாலை...

சாகர்மாலா திட்டம் அதாவது கடல்மாலைத் திட்டம் எனும் நாசகார திட்டம் இந்திய ஒன்றித்திலேயே மிகப்பெரிய செலவில் வரவுள்ள திட்டமாகும்.

அதூவது 8 லட்சம் கோடி நிதி ஒதுக்கப்பட்டுள்ளது.

அதாவது ஒவ்வொரு இந்தியக் குடிமகனிடம் இருந்தும் ரூ.6400 இந்த திட்டத்திற்கு போகிறது.

இது 2003 ல் வாஜ்பாய் பா.ஜ.க அரசால் பெரிதாக வெளியே தெரியாமல் தொடங்கப்பட்டு மன்மோகன் காங்கிரஸ் அரசால் மறைமுகமாக நடைமுறைப்படுத்தப்பட்டு இன்று பா.ஜ.க அரசால் முக்கிய கட்டத்திற்கு வந்துள்ளது.

இத்திட்டத்திற்கு மேற்கண்ட கட்சிகளுடன் கூட்டணி வைத்திருந்த அத்தனை கட்சிகளும் உடந்தை.

சுருக்கமாக...

இந்திய ஒன்றியத்தின் கடற்கரை ஒட்டி பல வளங்கள் உள்ளன. அவற்றை தொழிற்சாலை அமைத்து சுரண்டு வார்கள்.

வெளிநாட்டிற்கு விற்க வசதியாக கடற்கரை வரை சாலை போடுவார்கள்.

கப்பலேற்ற வசதியாக புதிய துறைமுகங்கள் கட்டுவார்கள்.

அந்த துறைமுகங்களுக்கு மக்களிடமிருந்து பாதுகாப்பு கொடுக்க வசதியாக ராணுவ முகாம்கள் ஏற்படுத்தி அம்முகாம்களை அகலமான கடற்கரை சாலைகள் அமைத்து இணைப்பர் மற்றும் தீவுகளில் ராணுவ தளங்களை அமைப்பார்கள்.

இவ்வாறு அனைத்து வளங்களையும் கப்பலேற்றி அனுப்பவுள்ளனர்.

ஆனால் கூறுவதோ இந்தியாவின் பழைமையான கடல்வணிகத்தை மறுபடி கொண்டு வருகிறோம் என்று.

அதாவது தமிழர்களின் கடல்வழி வணிகத்தை இவர்கள் இந்தியாவின் பெயரில் போட்டுக் கொள்கின்றனர்.

மேற்கண்ட எல்லாமே மத்திய அரசு பணத்தை கார்ப்பரேட் முதலாளிகளிடம் கொடுக்க அவர்கள் கான்ட்ராக்டர்கள் மூலம் செய்வார்கள்.

இதனால் வரும் லாபம் மொத்தமும் அவர்களுக்கே.. மக்களுக்கு நட்டம் மட்டுமே..

12 பிரம்மாண்ட துறைமுகங்களும் 200 சிறிய துறைமுகங்களும் கட்டவுள்ளனர்.

1208 தீவுகளை தனியாரிடம் ஒப்படைக்க உள்ளனர்.

7500 கி.மீ நீளமுள்ள கடற்கரை சாலை போடவுள்ளனர்.

1450 கடல்வழி பாதைகளும் 76 ரயில்வழி பாதைகளும் 101 ஆற்றுவழி பாதைகளும் போடவுள்ளனர்.

12 ஸ்மார்ட் சிட்டிகள் அமைக்கவுள்ளனர்.

அதாவது பூர்வகுடிகளை வெளியேற்றிவிட்டு வடயிந்தியரை அனைத்து வசதிகளுடன் குடியேற்றுதல்.

இந்த திட்டம் 4 தலைப்புகளில் பிரிக்கப்பட்டுள்ளது.

1) துறைமுக நவீனப்படுத்தல் : இந்திய கடற்கரை 14 மண்டலங்களாகப் பிரிக்கப்பட்டும்.

அதில் 3 தமிழக கடற்கரையை முற்றாக விழுங்கியபடி உள்ளன.

முதலில் இந்த பகுதி மத்திய அரசின் கட்டுப்பாட்டுக்கு மாற்றப்படும்.

அதில் தமிழக அரசு எந்த தலையீடும் செய்ய முடியாது.

ஏற்கனவே எல்லைப் பகுதிகளை மலையாளி, தெலுங்கர், கன்னடர் விழுங்கிவிட்டனர். தற்போது கடற்கரையை ஹிந்தியர் விழுங்கவுள்ளனர்.

பிறகு இந்த நிலங்கள் கார்ப்பரேட் முதலாளிகளுக்கு கொடுக்கப்படும்.

இங்கே புரோக்கர் வேலையை மட்டுமே அரசாங்கம் செய்கிறது.

பிறகு மீனவ மக்களின் குடியிருப்புகளைக் காலிசெய்து  அவர்களை வெளியேற்றுவர்.

ஏற்கனவே 30 கிராமங்களை வெளியேற்றிவிட்டனர்.

பிறகு துறைமுகம் கட்டுதல், சாலை போடுதல், கடலை ஆழமாக்கல், திட்டத் தொழிலாளர் குடியிருப்பு அமைத்தல் போன்றவை நடக்கும்.

2) துறைமுக இணைப்பு : துறைமுகங்களுக்கு சுரண்டிய வளங்களை கொண்டுவர வசதியாக ரயில், சாலை, ஆறு, பைப்லைன் ஆகியன போடப்படும்.

கடற்கரையை ஒட்டி 60 முதல் 200 மீட்டர் அகலமுள்ள சாலைகள் போடப்படும்.

இது சாதாரண சாலைகளாக இருக்காது.

இராணுவ டாங்கிகள் நகர்வதற்கென்றே உறுதியான அகலமான சாலைகள் போடப்படும். 

இதுபோக ஆங்காங்கே ராணுவ விமானங்கள் இறங்கும் தளங்களும் அமைக்கப்படும்.

இதற்கான அனுமதியை முதலில் முந்திக்கொண்டு கொடுத்துவிட்டது தமிழக அரசு.

இங்கே செக்யூரிட்டி வேலை மட்டுமே அரசு பார்க்கிறது.

3) துறைமுகங்களை தொழிற்சாலை மயமாக்கல் : ஏற்கனவே இருக்கும் துறைமுகங்களை நன்கு நவீனப்படுத்தி விரிவாக்குவர்.

அதில் தொழிற்சாலைகளும் கட்டுவர்.

இதன்மூலம் அதானி உள்ளிட்ட பண முதலைகள் ஆஸ்திரேலியாவில் தோண்டி எடுக்கும் நிலக்கரியை சிரமமில்லாமல் இறக்குமதி செய்யும்.

இதிலும் ஒரு கொடுமையான நகைச்சுவை உண்டு..

ஒரு டன் நிலக்கரியை ஆஸ்திரேலியாவிடம் அரச நிறுவனமான கோல் இந்தியா  ரூ.25,000 கொடுத்து வாங்கி அதை ரூ.2,500 க்கு கார்ப்பரேட்களுக்கு கொடுக்கும்.

இத்தனைக்கும் ஆஸ்திரேலியாவிடம் பணம் வாங்கிக்கொண்டு நிலக்கரியை வெட்டி எடுத்து அனுப்புவது இதே கார்ப்பரேட்கள் தான்.

அதாவது அரசாங்கம் இங்கே டிரைவர் வேலை மட்டும் பார்க்கிறது.

இந்த வெட்டியெடுக்கும் கான்ட்ராக்ட்டை  ஆஸ்திரேலியாவிடம் பேசி அதானிக்கு வாங்கித்தரத் தான் மோடி ஆஸ்திரேலியாவே போனார்.

இதற்கே வாய்பிளந்தால் எப்படி?

ஏற்கனவே 'நிலக்கரி மூலம் மின் உற்பத்தி செய்து தாருங்கள்' என பத்தாண்டுகள் முன்பே டாடா மற்றும் அம்பானிக்கு 45,000 கோடி சென்ட்ரல் வங்கியில் கடன் வாங்கி கொடுத்துள்ளது மத்திய அரசு.

அவர்கள் 'நிலக்கரி தாருங்கள் ஆரம்பிக்கிறோம்' என்று இன்றுவரை வேலையைத் தொடங்கவில்லை.

இப்போதே அதானியிடம் 11 பெரிய துறைமுகங்கள் உள்ளன.

இத்திட்டம் மேலும் 6 துறைமுகங்களை வழங்கும்.

இதில் ஒன்று தமிழகத்தில் வரும்.

இறக்குமதி அதானி என்றால் ஏற்றுமதி கார்ப்பரேட் சாமியாரான பாபா ராம்தேவ்.

ஒரு சைக்கிளில் வாழ்க்கையை ஆரம்பித்த சாமியார் ஹிந்துத்வா சக்தி மூலம் இன்று இந்திய ஒன்றியத்தின் மூன்றில் ஒரு பங்கு உணவுச் சந்தையை கட்டுப்படுத்தும் அளவு வளர்ந்து விட்டார்.

இவர் முக்கியமாக உணவுப் பொருள் மற்றும் சித்த மருத்துவ பொருட்களை ஏற்றுமதி செய்து இன்னொரு அதானி  ஆகவுள்ளார்.

தமிழகத்தில் முதலில் விவசாய நிலங்களை அழித்து மீத்தேன் அதாவது ஹைட்ரோகார்பன் எடுத்து விற்பார்கள்.

இந்த மீத்தேன் தானே அதற்கு கீழே இருக்கும் நிலக்கரியை எடுக்க தடையாக இருக்கிறது?

எனவே வேகவேகமாக மீத்தேன் எடுத்தபிறகு மண்ணையெல்லாம் தோண்டி நிலக்கரி, பெட்ரோல் என எல்லாவற்றையும் எடுத்து விற்பார்கள்.

இதுபோக மலைகளை வெட்டி கிரானைட், மணலை அள்ளி தாது,  பாலாற்றை நாசமாக்கிய தோல் தொழிற்சாலை உற்பத்தி, நொய்யல் ஆற்றை நாசமாக்கிய துணி உற்பத்தி, சிமெண்ட் உற்பத்தி, மற்றும் இறைச்சி மீன்வகைகளை பதப்படுத்தி உற்பத்தி என தமிழகத்தையே மொட்டையடிக்க உள்ளனர்.

4) கடலோர சமூக மேம்பாடு : பெரும்பாலும் கடல்சார் தொழிலைச் செய்யும் கடலோர மக்களை தொழில் செய்ய விடாமல் கெடுத்து படிப்படியாக இவர்களை காலி செய்து அகதியாக அலைய விட்டுவிட்டு அந்த இடத்தில் இந்த திட்டத்தோடு தொடர்புடையோர் குடியமர்த்தப்படுவர்.

அதாவது ராணுவ முகாம், ராணுவ குடியிருப்பு, எஞ்சினியர் மற்றும் பணியாளர்களுக்கான குடியிருப்பு.
இவைகளே ஸ்மார்ட் சிட்டி என்று வசதியான குடியேற்றம்.

இதுபோக லேபர் காலணி, அதற்கான கடைகள், கட்டடங்கள், விடுதிகள் என கடற்கரை முழுக்க பல இனங்களைச் சேர்ந்த கார்ப்பரேட் சமூகம் குடியேற்றப்படும்.

இதுதான் இவர்கள் கூறும் டெவலப்மெண்ட்.

அதாவது இந்திய கடற்கரையை ஒட்டி மீனவ கிராமங்களுடன் ஏறத்தாழ 3600 ஊர்கள் மற்றும் நகரங்கள் உள்ளன.

கடலோரம் 25 கோடி மக்கள் வாழ்கின்றனர்.

இவர்களை ஒழித்து விட்டு 1 கோடி பேருக்கு வேலை தருவார்களாம்.

அதிலும் 10% வரையான வேலைவாய்ப்பு நிரந்தர வேலையாக இருக்கலாம்.

மற்றபடி அனைத்து வேலைகளும் கான்ட்ராக்ட் முறைப்படி தான்.

அதிலும் பெரும்பாலும் எடுபிடி வேலைகள்.

இதுதான் இவர்கள் கூறும் வேலை வாய்ப்பு.

ஏற்கனவே 30 கிராமங்களை காலி செய்து விட்டனர்.

நல்லதண்ணி குப்பம் சமீபத்தில் போலீசை விட்டு அடித்து நொறுக்கப்பட்டு காலி செய்யப்பட்டது.

மாற்றுநிலம் மாற்றுத்தொழில் என எதுவும் வழங்கப்படவில்லை.

200 வீடுகள், பள்ளி, கோவில், வாக்குச்சாவடி கொண்ட தனுஷ்கோடி வாழத்தகுதியற்ற இடம் என்று அறிவித்தது இதனால் தான்.

கடற்கரை அருகே பழமையான ஒரு கோவிலைக்கூட இடித்துள்ளனர்.

தமிழரது பழமைக்கான அகழ்வாராய்ச்சி தளங்கள் கடற்கரையை ஒட்டி உள்ளன.

அவை அனைத்தும் அழிக்கப்படும்.

தீவுகள் தனியாருக்கு சொந்தமாகும்.

தனியாருக்கு பாதுகாப்பாக கடற்படை ராணுவ தளங்களும் அமைக்கப்படும்.

இங்கே ஒரு ரவுடியின் வேலையை மட்டும் அரசாங்கம் செய்கிறது.

சாகர் மாலா எனும் இந்த திட்டம் மக்களை மண்ணோடு சேர்த்து அழிக்க போடப்படும் ஒரு சவமாலை.

இந்தியாவில் தனி ஹெலிகாப்டர் வைத்திருக்கும் சில கார்ப்பரேட் முதலாளிகள், பத்து தலைமுறை ஆனாலும் செலவு செய்யமுடியாத பணமாக பூட்டிவைக்கப்பட உள்ளது இந்த அத்தனை கொடூரங்களின் லாபமும்.

இந்த தாய்த் திட்டத்தின் கீழ் 126 துணைத் திட்டங்கள் உள்ளன.

அவையே கதிராமங்கலம், நெடுவாசல் ஆகிய திட்டங்கள்.

இந்த திட்டம் சுற்றுசூழலுக்கு முற்றிலும் எதிரான திட்டம்.

எந்த திட்டமாக இருந்தாலும் சுற்றுசூழல் மாசடையாமல் எப்படி கையாள்வது என்று தலைப்பு பெயருக்காவது இருக்கும்.

இதில் சுற்றுசூழல் எனும் வார்த்தையே வரவில்லை.

இத்திட்டத்திற்கு எந்த சுற்றுசூழல் அனுமதியும் வாங்கப்படவில்லை.
வாங்கவும் படாது.

மோடி நியமித்த சுற்றுச்சூழல் அமைச்சர் பதவியேற்றவுடன் செய்த முதல்வேலை 'தொழிற்துறை வளர்ச்சிக்கு சுற்றுச்சூழல் துறை தடையாக இருக்காது' என்றும்
'தொழில் வளர்ச்சிக்கு விரைவாக சுற்றுச்சூழல் அனுமதி வழங்கப்படும்' என்றும் அறிவித்து எந்த திட்டத்திற்கும் முதல் அவசியமான சுற்றுச்சூழல் மதிப்பீடு ஆய்வு தேவையில்லாயல் ஆக்கப்பட்டது தான்.

சாகர்மாலா காற்றை மாசாக்கும், விளைநிலத்தை சாக்கடையாக்கும், நிலத்தை சுடுகாடாக்கும், மழையைத் தடுக்கும், கடலை மாசாக்கும், நிலத்தடி நீரை கெடுக்கும், உணவு உற்பத்தியை பாதிக்கும், இனப்படுகொலை நடத்தும், மழைப்பொழிவைத் தடுக்கும், பஞ்சம் வரவைக்கும்.

கடைசியாக மனிதர் மட்டுமன்றி பல லட்சம் உயிர்களைக் கொல்லும்.

பூமியில் ஒரு பகுதியையே நாசமாக்கும்.

எண்ணூர் பக்கம் கடலில் எண்ணெய் கொட்டியபோதே வாளியால் அள்ளிக்கொண்டிருந்த லட்சணத்தில் எதை நம்பி நாம் சாகர்மாலா போன்ற நாசகார திட்டங்களுக்கு இடம் கொடுப்பது?

இதை நாம் வருமுன் தடுக்கவேண்டும்.
வரும்பொழுது தடுக்கலாம் என்று நினைக்க வேண்டாம்.

ஆரம்பகட்ட வேலைகள் தொடங்கிவிட்டன.

இன்னும் கொஞ்சநாட்களில் ஹிந்தியாவின் இராணுவ டாங்கிகள் வர ஆரம்பிக்கும்.

அதன்பிறகு நாம் ஒன்றும் செய்யமுடியாது.

பூமித்தாய்க்கு எதிரான இந்த திட்டத்திற்கு நாம் உடன்பட்டால் நம்மைப் போன்ற ஒரு துரோகி யாருமில்லை.

முடிந்த அளவு ஊடகங்களால் மறைக்கப்பட்டு மெல்ல மெல்ல நடந்துவரும் இந்த திட்டம் பற்றி வேறு எந்த இனத்தவருக்கும் விழிப்புணர்வு இல்லை.

தமிழர்களுக்கு மட்டுமே ஓரளவு விழிப்புணர்வு உள்ளது.

இதை தடுக்க நாம்தான் களத்தில் இறங்க வேண்டும். தலைமை ஏற்க வேண்டும்.

தகவல் :  திரு. இங்கர்சால் (Tamil research institute)...

அவசர செய்தி உதகையில் கலெக்டர் அலுவலகம் எதிரே உள்ள பழமையான மோகன்ஸ் கட்டிடம் இடிந்து HIGHLAND STORE.MAHALAKSHMI TEA STALL கடைகள் மீது விழந்ததில் ஏராளமானோர் காயம். உயிர் சேதம் ஏதும் இல்லை என்று தகவல்...