இன்று 58வது பிறந்தநாள் கொண்டாடும் வைகைப் புயல் வடிவேலு வுக்கு, இனிய பிறந்தநாள் நல்வாழ்த்துகள்...

லேடிஸ் ஹாஸ்டலில் வைரமுத்து நடத்திய ‘செக்ஸ் லீலைகள்’ அதிரவைக்கும் பகீர் ஆதாரங்கள்...

‘வைரமுத்து மீதான பாலியல் புகார்களுக்கு ருசு என்ன?’ என்று தொடர்ந்து கேட்கப்பட்ட கேள்விகளுக்குப் பதில் சொல்லியிருக்கிறார் பாடகி சின்மயி. ‘நானே ஆதாரம். இதோ நானே சொல்கிறேன்’ என்று வைரமுத்துவின் பாலியல் மிரட்டல் தன்னை எப்படி வந்து சேர்ந்தது என்ற அதிர்ச்சிகரமான சம்பவத்தையும் ட்விட்டரில் குறிப்பிட்டிருக்கிறார்.

சமூகத்தில் தங்களுக்கு இருக்கும் உயர்ந்த அந்தஸ்தை போர்வையாகக் கொண்டு காமக் களியாட்டங்கள் நடத்திவந்தவர்களுக்கு இது பொல்லாத நேரம்போலும். ஆளுநர், நிர்மலா அம்மணி பஞ்சாயத்து ஒருபுறம் ஓடிக்கொண்டிருக்க, இன்னொரு பக்கம் இவ்வளவு நாளும் நாடும் நாட்டு மக்களும் கவிப்பேரரசு என்று நம்பிக்கொண்டிருந்த காமப்பேரரசு வைரமுத்துவை கழுவில் ஏற்றிக்கொண்டிருக்கிறார் பாடகி சின்மயி.

வைரமுத்துவைப் பற்றிய உண்மைகளைப் போட்டு உடைப்பதால் என் சினிமா கேரியரே முடிவுக்கு வந்தாலும் நான் பின்வாங்கப் போவதில்லை என்கிறார் சின்மயி.

தொடர்ந்து இவர் வைரமுத்து மீது வைக்கப்படும் குற்றச்சாட்டுகளுக்கு என்ன ஆதாரம் இருக்கிறது? என்று கேட்கப்பட்ட கேள்விகளுக்குப் பதில் சொல்லியிருக்கிறார் பாடகி சின்மயி. ‘நானே ஆதாரம். இதோ நானே சொல்கிறேன்’ என்று வைரமுத்துவின் பாலியல் மிரட்டல் தன்னை எப்படி வந்து சேர்ந்தது என்ற அதிர்ச்சிகரமான சம்பவத்தையும் ட்விட்டரில் குறிப்பிட்டிருக்கிறார்.

“2005 அல்லது 2006ஆம் ஆண்டாக இருக்கும். ’வீழ மாட்டோம்’ என்ற ஆல்பம் ஒன்றை இலங்கை தமிழர்களுக்கு மாணிக்க விநாயகம் அவர்களுடன் பாடுவதற்காக சுவிட்சர்லாந்து சென்றிருந்தோம். அது புத்தகமா அல்லது பாடல் வெளியீடா என்று தெரியவில்லை. ஆனால், அதன் வெளியீட்டுக்காக சுவிட்சர்லாந்து சென்றிருந்தோம். இங்கு பாடல் ரெகார்டிங் முடித்துவிட்டு, சுவிட்சர்லாந்து சென்று லைவ்வாகப் பாடியும் கொடுத்தேன். எல்லோரும் கிளம்பிய பிறகும், நானும் என் அம்மாவும் மட்டும் அங்கேயே இருக்க வேண்டும் எனச் சொன்னார்கள்.

விழா ஏற்பாட்டாளர் வந்து, ‘நீங்கள் மட்டும் வைரமுத்துவை அவர் Lucerne பகுதியில் தங்கியிருந்த ஹோட்டலுக்குச் சென்று பார்க்கச் சொன்னார். நான் ஏன் என்று கேட்டதற்கு, கொஞ்சம் ஒத்துழையுங்கள் என்று சொன்னார். நான் மறுத்துவிட்டு, இந்தியாவுக்கு உடனே செல்ல ஏற்பாடு செய்யச் சொன்னேன். எனது எதிர்காலமே பாதிக்கப்படும் என்று அவர் சொன்னார். அதற்கு, நானும் என் அம்மாவும் எழுந்து நின்று எதிர்காலமும் வேண்டாம்; ஒரு மண்ணும் வேண்டாம் என்று சொல்லி, எந்த விமானம் சீக்கிரமாக இருக்கிறதோ, அதிலேயே இந்தியாவுக்குச் செல்ல வேண்டும் என அழுத்தம் திருத்தமாகச் சொல்லி இந்தியா வந்தடைந்தோம்.

இன்னொரு சம்பவமும் இருக்கிறது. ஒரு முறை சூடு வாங்கிய பூனை திருந்தியிருக்கும் என்று நினைத்தேன். ஆனால் இல்லை.

கடந்த மூன்று அல்லது நான்கு ஆண்டுகளுக்கு முன்பு ஒரு புத்தக வெளியீடு வைத்திருந்தார் வைரமுத்து. அந்த விழாவுக்கு வந்து தமிழ்த்தாய் வாழ்த்து பாட வேண்டும் என்று என்னிடம் கேட்டார். என்னால் முடியாது என்று சொன்னதும், ‘விழாவுக்கு வரப்போகும் அரசியல்வாதியைப் பற்றி நீ தவறாக மேடையில் பேசினாய் என்று நான் சொல்லுவேன்’ என மிரட்டி திட்டிவிட்டு போனை கட் செய்துவிட்டார். இதனால் நான் கதறி அழுவதைப் பார்த்த என் பெற்றோர் மற்றும் குடும்பத்தினர் எனக்கு ஆறுதல் சொல்லி தைரியமும் கொடுத்தார்கள். அதன் பிறகு, வைரமுத்துவின் மேனேஜரை அழைத்து ‘அவர் சொன்ன அதே அரசியல்வாதியிடம் நான் அவரைப் பற்றி பேசியதாகச் சொல்லப்படுவது அத்தனையும் பொய். ஏனென்றால், இதுவரை நான் எந்த மேடையிலும் பேசியதில்லை’ எனச் சொல்வேன். அதை அவர் கண்டிப்பாக நம்புவார் எனக் கூறினேன்.”

இப்படி வைரமுத்து எங்கே, எப்படி தன்னைப் பாலியல் மிரட்டலுக்கு ஆளாக்கினார் என்பதை ட்விட்டரில் தொடர் ட்வீட்டுகளாக வெளியிட்டு அனைவரது கேள்விகளுக்கும் பதில் கூறிவிட்டார் சின்மயி.

மேலும் அவர் வெளியிட்ட சில ட்வீட்களில் “கடந்த 17 வருடத்தில் நான் வேலை செய்த தமிழ், இந்தி, தெலுங்கு, மலையாளம், கன்னடா, மராத்தி மொழித் திரையுலகங்களில் ஒருவர்கூட என்னிடம் தவறாக நடக்க முயற்சி செய்ததில்லை. ஆபாச மெஸேஜ் அனுப்பவும், என்னைத் தொடவும் முயன்றதில்லை. நான் வேலை செய்யும் இடத்தை எப்போதும் சுத்தமாக வைத்திருக்க விரும்புவேன். இப்போது வைரமுத்துவை (சார்) நேருக்கு நேராகத் தனியாகவே எதிர்க்கத் தயாராகிவிட்டேன்.

வைரமுத்து அலுவலகத்தில் இருக்கும் வேலையாட்களுக்குத் தெரியும். அவருக்கு நெருங்கியவர்களுக்குத் தெரியும். அவர்களும் இவருக்கு உதவியாக இருந்தவர்கள். உங்களது நேரம் முடிந்துவிட்டது என்பதை மிகுந்த மரியாதையுடன் சொல்கிறேன். இனி நான் பாடுவதற்கும், டப்பிங் பேசுவதற்கும் சினிமா துறை எனக்கு வாய்ப்பளிக்கவில்லை என்றாலும் பரவாயில்லை. இதுதான் என் கதை. இதுதான் உண்மை” என்று தான் பாதிக்கப்பட்டது குறித்து சின்மயி தகவல் வெளியிட்டதுதான் தாமதம். உடனே, அவரைப் போலவே பலரும் அவருக்கு ஆதரவாகக் களமிறங்கினர். முக்கியமாக இசைத் துறையில் இயங்கிவரும் சக்திஸ்ரீ கோபாலன் போன்றோர் எந்தச் சூழலிலும் துணையிருப்பதாக சின்மயிக்கு ஆதரவளித்தனர்.

நடிகர் சித்தார்த் கொஞ்சம் காட்டமாகவே கேள்வியெழுப்பினார். “புகார் சொன்னபோது என்ன ஆதாரம், யார் பாதிக்கப்பட்டார்கள் என்று கேட்டீர்கள். இப்போது புகார் சொல்பவரே வெளியே வந்ததும், உங்கள் பப்ளிசிட்டிக்காக செய்கிறீர்களா என்று கேட்கிறீர்கள். உங்கள் பிரச்சினைதான் என்ன?” என்று கேள்விகளை எழுப்பிவருகிறார்.

வைரமுத்துவின் வீட்டுக்குப் பாராட்டுவதற்காகவும், தொழில் நிமித்தமாகவும் அழைக்கப்படும் பெண்கள் கதவு தாளிடப்பட்டு பாலியல் துன்புறுத்தலுக்கு ஆளாக்கப்பட்டதையும், அவர்களைப் பாராட்டுவது போல செய்யப்பட்ட அத்துமீறல்களையும் சின்மயிக்கு ட்விட்டரில் அனுப்பிக் கொண்டிருக்கின்றனர்.

கோடம்பாக்கத்தில் உள்ள வைரமுத்துவின் பெண்கள் விடுதியில் அவர் அந்தப்பெண்களின் அனுமதியின்றி அவர்கள் அறையில் நுழைந்து தவறான விதத்தில் பேசியது குறித்தும், அங்கே நீண்ட நெடுங்காலமாக வைரமுத்து கொடுத்துவரும் செக்ஸ் டார்ச்சர் குறித்தும் வரிசையாக சின்மயிக்கு தகவல்வந்துகொண்டிருக்கிறதாம். அருப்புக்கோட்டை நிர்மலா போல் சிலரை வைத்துக்கொண்டு தனது ஹாஸ்டலில் வைரமுத்து நடத்திய கன்னிவேட்டை கதைகளும் விரைவில் அம்பலத்துக்கு வரக்கூடும் என்கிறார்கள்.

இவை அனைத்தையும் ட்விட்டரில் வெளியிட்டதுடன், நடனம் மற்றும் இசைத் துறையில் பிரபலமானவர்கள் பலரது பெயரையும் பாலியல் துன்புறுத்தலுக்கு ஆளாக்கியவர்களின் பட்டியலாக வெளியிட்டிருக்கிறார்.

பி.எம்.சுந்தரம், பப்பு வேணுகோபால் ராவ், சுனில் கோத்தாரி, லோகநாத சர்மா, டி.என்.சேஷகோபாலன், சசிகிரண், ரவிகிரண் ஆகியோரது பெயரை சின்மயி வெளியிட்டிருப்பது தமிழகம் மட்டுமின்றி இந்திய அளவில் இந்தச் சர்ச்சையைப் பெரிதுபடுத்தியிருக்கிறது...

முத்துகள் உருவாவது எப்படி?

இயற்கையின் அதிசயங்களுள் ஒன்று, முத்து. எங்கோ கடலடியில் விளையும் முத்து, அழகுப்பெண்களின் கழுத்தை அலங்கரிக்கிறது.

முத்து உருவாகும் விதம் தெரியுமா உங்களுக்கு? முத்துச்சிப்பி என்ற உயிரினத்திடம் இருந்து முத்து கிடைக்கிறது. அந்த உயிரினத்தில் இருந்து முத்து கிடைப்பது வியப்பூட்டும் விஷயம்.

கடல் நீரில் உள்ள கால்சியம் கார்பனேட் என்ற தாதுப் பொருளையும் மற்றும் சில அங்ககப் பொருட்களையும் சிப்பி உட்கொள்வதால் முத்து தோன்று வதாகத் தெரிவிக்கப்படுகிறது.

சிப்பியினுள் முத்து சென்றுவிட்டால் அதற்கு ஓர் உறுத்தல் ஏற்பட்டு, தன்னிடம் உள்ள நாக்கர் என்ற ஒருவிதத் திரவத்தை அதன் மீது சுரந்து மூடிவிடும்.

அதைத் தெரிந்துகொண்ட சீனர் கள், சிப்பி வாய் திறந்திருக்கும்போது அதனுள், ஈயத்தால் செய்த சிறு புத்தர்சிலையைப் புகுத்தினார்கள். சிறிது காலம் கழித்து சிப்பியைத் திறந்து பார்க்கும்போது, முத்துத் திரவத்தால் புத்தர் சிலை பொதியப்பட்டிருக்கும்.

ஜப்பானியர்கள், சிப்பியின் வாய் வழியாகச் சிறு தானியத்தை உள்ளே தள்ளிவிடுவார்கள். அவ்வாறு தள்ளப்பட்ட தானியத்தின் மீது நாக்கர் திரவம் படிந்து, நன்கு விளைந்த முத்தாக வெளியில் எடுக்கப்பட்டு, நல்ல விலைக்கு விற்பனையாகிறது.

இனி, உயர்ந்த முத்துகள் எப்படி உருவாகின்றன என்று பார்க்கலாம். கடலில் உள்ள சில புல்லுருவிகள் (தம்மால் நேரடியாக உணவுப் பொருட்களை உருவாக்க முடியாமல் சத்துக்காக பிற தாவர இனங்களைச் சார்ந்திருப்பவை), சிலநேரங்களில் சிப்பியின் வாய் வழியாக உள்ளே தவறிச் சென்று விடுகின்றன. அப்போது சிப்பியின் உட்பாகத்தில் ஓர் உறுத்தல் ஏற்பட்டு, நாக்கர் திரவத்தை அதன் மீது பொழியும். அவ்வாறு பொழியும்போது அந்தப் புல்லுருவி மடிந்துவிடும். அதன் மீது நாக்கர் திரவம் பல அடுக்குகளில் படிந்துவிட, அது விலை உயர்ந்த முத்தாக மாறிவிடுகிறது.

இம்முறையிலேயே சிறு மணல் துகள் உள்ளே சென்றாலும் அது முத்தாகி விடுகிறது. ஆனால் முந்தைய முறையில் உற்பத்தியாகும் முத்துதான் மிகுந்த விலை மதிப்பு உடையதாகும்...

தெலுங்கர் கேட்ட ஆந்திரா...

1948 இல் தெலுங்கு கட்சிகள் அனைத்தும் கூடி ஒரு குழுவை நியமித்தது.

அதன் வேலை அமையவுள்ள தெலுங்கு மாநிலத்தில் எந்த பகுதிகளையெல்லாம் சேர்க்கவேண்டும் என்று வரையறுப்பது.

அவ்வாறு அவர்கள் வரையறுத்து மொழிவாரி மாநிலங்கள் அமைப்புக்கான கமிஷனிடம் சமர்ப்பித்த வரைபடம் (இடப்பக்கம்) இங்கே தரப்பட்டுள்ளது.

The Andhra Province (memorandum submitted to the linguistic provinces commission) by Dr.Lanka sundram M.A Ph.D.

(அடைந்தது வண்ணப்படமாக வலப்பக்கம் தரப்பட்டுள்ளது).

இதில் சென்னையும் சேர்க்கப்பட்டிருந்தது.

நல்லவேளை ம.பொ.சி இருந்தார்...

கன்னடர் கேட்ட கர்நாடகா...

1928 இல் கன்னடர் ஒன்றுகூடி ஒரு குழுவை நியமித்தனர்.

அக்குழு கன்னடர் வாழும் பகுதிகளை கணக்கில் கொண்டு வரைபடம் ஒன்றைத் தயாரித்தனர்.

இந்தியாவை விட்டு வெள்ளையர் சென்றபிறகு தமக்கென மொழிவாரி மாநிலம் கேட்டுப் பெற இந்த முன்னெடுப்பைச் செய்தனர்.

அவ்வாறு தயாரிக்கப்பட்ட வரைபடம் இங்கே கொடுக்கப்பட்டுள்ளது.

இதில் நீலகிரி, கொள்ளேகால், ஓசூர் ஆகியன சேர்க்கப்பட்டிருந்தன.

இதில் கொள்ளேகாலம் அவர்களிடம் போய்விட்டது...

தமிழக பேருந்து நிலையை கூறிய ஓட்டுநர் சஸ்பெண்ட்...

தமிழக வாழ்வுரிமை கட்சி தலைவர் வேல்முருகன் அறிக்கை...

சுற்றுச்சூழல் விதிகள், மாநில அரசின் நிலைப்பாடு, மாநிலத் தன்னாட்சி, கூட்டாட்சி அமைப்புமுறை, ஜனநாயக நடைமுறை என எதையும் கருத்தில் கொள்ளாமல், அனைத்தையும் மீறி, அரசமைப்புச் சட்டத்திற்கே புறம்பாக, பாசிசப் போக்கில், தமிழ்நாட்டில் நியூட்ரினோ திட்டத்தை செயல்படுத்துவதில் இறங்கியிருக்கிறது ஒன்றிய பாஜக மோடி அரசு..

இதனை வன்மையாகக் கண்டிக்கவும் எச்சரிக்கவும் செய்வதுடன், தமிழ்நாடு அரசு, இதில் மோடி அரசின் மோசடியை எதிர்த்து அம்பலப்படுத்துவதோடு, தமிழ்நாடு மாசுக் கட்டுப்பாட்டு வாரியத்திற்கு வந்திருக்கும் திட்ட அனுமதிக்கான விண்ணப்பத்தை நிராகரிக்க வேண்டும்; மக்களின் கருத்தைக் கேட்காமல் திட்டத்திற்கு வழங்கிய ‘காப்புக்காடுகள்’ நிலம் மொத்தத்தையும் திரும்பப்பெற வேண்டும் என்றும் வலியுறுத்துகிறது தமிழக வாழ்வுரிமைக் கட்சி!

தமிழ்நாட்டின் தேனி மாவட்டம் பொட்டிபுரம் மலைப் பகுதியில் நியூட்ரினோ ஆய்வு மையம் அமைக்க ஒன்றிய வனத்துறை மற்றும் சுற்றுச்சூழல் அமைச்சகம் 2011ஆம் ஆண்டு அனுமதி வழங்கியது. இதை ஒட்டுமொத்த தமிழகமும் இயற்கை ஆர்வலர்களும் கடுமையாக எதிர்த்துவருகின்றனர். இதையடுத்து ‘தமிழ்நாடு சுற்றுச்சூழல் தாக்க மதிப்பீட்டு நிறுவனம்’ (State Environment Impact Assessment Authority - SEIAA), ‘கட்டடம் மற்றும் கட்டுமானங்கள்’ பிரிவின் கீழ் மதிப்பிட முடியாது என்று திட்டத்தின் செயல்பாட்டாளரான ‘டாடா அடிப்படை அறிவியல் ஆராய்ச்சி நிறுவன’த்திடம் (Tata Institute of Fundamental Research) அதிகாரப்பூர்வமாகத் தெரிவித்து, நியூட்ரினோ திட்டத்துக்கு அனுமதி மறுத்துவிட்டது.

ஆனால் டாடா நிறுவனம், ஒன்றிய வனத்துறை மற்றும் சுற்றுச்சூழல் அமைச்சகத்திடம் ‘கட்டடம் மற்றும் கட்டுமானங்கள்’ பிரிவின் கீழ் ‘சுற்றுச்சூழல் அனுமதி’ கேட்டு விண்ணப்பித்தது.

தமிழ்நாடு அரசு என்னென்ன ஆட்சேபனைகளை எழுப்பி திட்டத்திற்கு அனுமதி மறுத்ததோ, அந்த ஆட்சேபனைகள் எதையும் கணக்கில் கொள்ளாமல், ‘கட்டடம் மற்றும் கட்டுமானங்கள்’ பிரிவின் கீழ் ஒன்றிய வனத்துறை மற்றும் சுற்றுச்சூழல் அமைச்சகம் அனுமதி வழங்கியது. இந்த அனுமதி தமிழ்நாடு அரசைக் கேட்காமலேயே வழங்கப்பட்டது.

மாநில உரிமைகளுக்கு எதிரான மோடி அரசின் இந்த மோசடியை தமிழ்நாடு அரசு எதிர்த்து அம்பலப்படுத்தியிருக்க வேண்டும்; ஆனால் அதைச் செய்யாமல் அதிமுக பழனிசாமி அரசு மௌனம் காக்கிறது. இந்த நிலையில்தான் ஒன்றிய அரசின் தில்லுமுல்லுகளுக்கு எதிராக ‘பூவுலகின் நண்பர்கள் அமைப்பு’ டெல்லியில் உள்ள தேசிய பசுமைத் தீர்ப்பாயத்தில் மனுதாக்கல் செய்தது.

இந்த மனு மீது 03-10-2018 அன்று விசாரணை நடைபெற்றது. அப்போது, சுற்றுச்சூழல் அனுமதி வழங்கியது தொடர்பாக ஒன்றிய அரசு 4ந் தேதி விளக்கம் அளிக்க வேண்டும் என்று நீதிபதிகள் உத்தரவிட்டனர். ஆனால் 4ந் தேதிய விசாரணையின்போது, ஒன்றிய அரசு சார்பில் வந்து விளக்கம் அளிக்கப்படவில்லை. இதனால் ஒன்றிய அரசுக்கு நீதிபதிகள் கண்டனம் தெரிவித்தனர்.

டாடா நிறுவனம் தரப்பு வழக்குரைஞர்கள், “நியூட்ரினோ ஆய்வு மையம் அமைப்பது தொடர்பாக பொதுமக்களிடம் கருத்துக்கேட்பு உள்ளிட்ட அனைத்து நடவடிக்கைகளும் மேற்கொண்ட பிறகே ஆய்வகப் பணி தொடங்க தீர்மானிக்கப்பட்டது” என முழுப் பொய்யை வாதமாக வைத்தனர்.

ஒன்றிய வனத்துறை மற்றும் சுற்றுச்சூழல் அமைச்சகம் தரப்பு வழக்குரைஞர்களும், “தமிழ்நாடு சுற்றுச்சூழல் தாக்க மதிப்பீட்டு நிறுவனத்தில் சிறப்பு நிபுணர்கள் கிடையாது. அதனால் அந்த நிறுவனத்திடம் ஒன்றிய அரசு கருத்து கேட்கவில்லை. சில நிபந்தனைகளுடன் திட்டத்திற்கு அனுமதி வழங்கப்பட்டுள்ளது” என முழுப் பொய்யையே முன்வைத்தனர்.

தமிழ்நாடு அரசு தரப்பு வழக்குரைஞர் ராகேஷ் சர்மா, “இது போன்ற திட்டங்களுக்கு உள்கட்டமைப்பு வசதிகள் மட்டுமே மாநில அரசு அளிக்கிறது. அதற்காக வருவாய்த்துறை மற்றும் வனத்துறை நிலம் ஒதுக்கப்பட்டுள்ளது. ஒன்றிய அரசு இதுவரை மாநில மாசுக் கட்டுப்பாட்டு வாரியத்திடம் எந்த அனுமதியும் கோரவில்லை (இது உண்மையோ, பொய்யோ தெரியவில்லை)” எனத் தெரிவித்தார்.

இந்த வாதங்களைக் கேட்ட நீதிபதிகள், “இறுதி முடிவு எடுக்காத நிலையில் தமிழ்நாடு அரசு எப்படி வனத்துறை நிலத்தை நியூட்ரினோ திட்டத்திற்கு ஒதுக்கியது? ஏற்கனவே மேற்கு தொடர்ச்சி மலை பாதுகாப்பு தொடர்பான கஸ்தூரி ரங்கன் வரைவு அறிக்கை உள்ளது. அதில் கூறப்பட்டுள்ளவற்றுக்கு, இந்த நியூட்ரினோ திட்டம் பாதிப்பை ஏற்படுத்தும் என்பது தெரியாதா? அணுவைப் பல துகள்களாக சிதறடிக்கும்போது சுற்றுச்சூழல் பாதிப்படையும் என்பதுகூடத் தெரியாதா?” என்று கேள்விகளால் துளைத்தெடுத்தனர்.

 தொடர்ந்து, “இது தொடர்பாக ஒன்றிய வனத்துறை மற்றும் சுற்றுச்சூழல் அமைச்சகத்தின் சார்பில் ஒரு மூத்த அதிகாரியோ, விஞ்ஞானியோ வெள்ளிக்கிழமையன்று (05-10-2018) ஆஜராகி விளக்கம் அளிக்க வேண்டும். டாடா நிறுவனம் 8ந் தேதிக்குள் எழுத்து வடிவில் விளக்கம் அளிக்க வேண்டும்” என உத்தரவு பிறப்பித்தனர் நீதிபதிகள்.

இதன்மூலம், சுற்றுச்சூழல் விதிகள், மாநில அரசின் நிலைப்பாடு, மாநிலத் தன்னாட்சி, கூட்டாட்சி அமைப்புமுறை, ஜனநாயக நடைமுறை என எதையுமே கருத்தில்கொள்ளாமல், அனைத்தையும் மீறி, அரசமைப்புச் சட்டத்திற்கே புறம்பாக, பாசிசப் போக்கில், தமிழ்நாட்டில் நியூட்ரினோ திட்டத்தை செயல்படுத்துவதில் மோடி அரசு இறங்கியிருப்பது தெளிவாகிறது.

இதனை வன்மையாகக் கண்டிக்கவும் எச்சரிக்கவும் செய்வதுடன், தமிழ்நாடு அரசு, இதில் மோடி அரசு செய்திருக்கும் மோசடியை எதிர்த்து அம்பலப்படுத்துவதோடு, தமிழ்நாடு மாசுக் கட்டுப்பாட்டு வாரியத்திற்கு வந்திருக்கும் திட்ட அனுமதிக்கான விண்ணப்பத்தை நிராகரிக்க வேண்டும்; மக்களின் கருத்தைக் கேட்காமல் திட்டத்திற்காக வழங்கிய வனத்துறை நிலம், அதாவது ‘காப்புக்காடுகள்’ நிலம் மொத்தத்தையும் திரும்பப்பெற வேண்டும் என்றும் வலியுறுத்துகிறது தமிழக வாழ்வுரிமைக் கட்சி...

தண்ணீர் எனும் கார்பரேட் வணிகம்...

ஆதனம் - (அட்டாங்க யோகம்)...

ஆதனம்...

பங்கய மாதி பர்ந்தபல் ஆதனம்
அங்குள வாம் இரு நாலும் அவற்றினுள்
சொங்கில்லை யாகச் சுவத்திக மெனமிகத்
தங்க இருப்பத் தலைவனு மாகுமே. - 558

பத்மாசனமாகிய பல வகைப்பட்ட விரிவான ஆசனங்கள் (சொல்லி இருப்பதில்) எட்டு ஆசனங்கள் முக்கியமானதாயிருக்கின்றன.  அதற்குள் மயக்கத்தைத் தராத சுவத்திகாசனம் என்பதில் இருந்து தங்க ஆசனத்தில் முதன்மையானவனாகும்.

நாடிதாரணை யோகத்துக்கு அவசியமானபடியாலும், நாடிகளில் அதிசூட்சும நாடிகளின் கூட்டம் தேகத்தில் அதிகமிருப்பதாலும் அந்த நாடிகளுக்கு அசைவை உண்டாக்கிக் கொள்ளாமலிருக்கத் தேகத்தை ஸ்திரமான தன்மையில் வைக்கும் தந்திரம் ஆசனமாகும்.  இதில் முக்கியமானவை பத்மாசனமும், சித்தாசனமும், சுகாசனமுமாகும்.  இவ்வாசனங்களில் வீற்றிருக்கும்போது சிரம், கழுத்து, இடுப்பு முதலியவைகளை வளைக்காமல் இருக்க வேண்டும்...

பாஜக - அதிமுக வின் சதி வேலைகள்...