இலுமினாட்டி ஊடகங்களை சாடும் கவண்...

சமீபத்தில் வெளியான தமிழ் திரைப்படம் 'கவண்' கமர்ஷியல் படம் என்பதையெல்லாம் தாண்டி இந்த படத்தைப் பற்றி எழுதத் தூண்டியது இப்படத்தில் துணிச்சலாக பேசிய சில விடயங்கள்..

பணத்திற்காக ஊடகங்கள் செய்யும் தில்லு முல்லுகளை நச்சென சுட்டிக்காட்டியுள்ளது பாராட்ட வேண்டியது.

இதுவரை எவரும் சொல்ல மறுத்த சதாம் உசேன் கொலையின் உண்மைத் தன்மையையும் அதன் உலக அரசியலையும் விளக்கியது.

சிறுபான்மையினரும், இஸ்லாமிய சகோதரர்களும் எப்படி சமூக விரோதிகளாக சித்தரிக்கப்படுகின்றனர் என்பதைக் காட்டியது.

குறிப்பாக இன்றைய ஊடகங்கள் கடை பிடிக்கும் மேல்தட்டுவர்க்க மனநிலையை சுட்டிக் காட்டியது.

இது வெறும் தமிழ் ஊடகங்களை சாடும் படம் என நீங்கள் நினைத்தால் அது அறியாமை. ஒட்டுமொத்த உலக ஊடகங்களும் இவ்வாறு தான் செயல்படுகின்றன.

காற்றுவெளியிடை போன்ற மேல்தட்டு மனநிலையை ஊக்குவிக்கும் ஹைடெக் குப்பைகளை பாராட்டும் அதிமேதாவிகள் இதுபோன்ற படங்களை குறைசொல்வது ஒன்றும் பெரிதல்ல.

சில குறைகள் இருப்பினும் இதுபோன்ற துணிச்சலான படங்கள் பேசும் அரசியலை கவனிக்க வேண்டும்....