மூன்றாவது நாளைக் கடந்து தொடர்கிறது உயர் நீதிமன்றத்தில் தமிழை வழக்கு மொழியாக்கக் கோரி காலவரையரையற்ற பட்டினிப் போராட்டம்...

இந்திய அரசே.. தமிழ்நாடு சட்டமன்றத்தின் 2006-ம் ஆண்டு தீர்மானத்திற்கு குடியரசுத் தலைவர் ஒப்புதலை பெற்றுக் கொடு என்று போராட்டம் தொடர்ந்து கொண்டிருக்கிறது. உயர்நீதிமன்றத்தில் தமிழ்-போராட்டக் குழுவின் சார்பில் இந்த போராட்டம் நடைபெற்றுக் கொண்டிருக்கிறது. மே பதினேழு இயக்கமும் இந்த போராட்டத்தில் பங்கேற்றுள்ளது.

தமிழில் வழக்காடுவதென்பது நமது பிறப்புரிமை. இந்த 8 தோழர்களும் நமது உரிமைக்காக போராடிக் கொண்டிருக்கிறார்கள்.

மதுரை காளவாசலில் நடைபெற்றுக் கொண்டிருக்கும் இந்த போராட்டத்தில் பெருமளவில் திரண்டு ஆதரவினை அளிக்க வேண்டியது அனைவரின் கடமை.

உரிமைகளை மீட்க அனைவரும் திரண்டு தோழர்களுக்கு ஆதரவளிக்க வேண்டுமென மே பதினேழு இயக்கம் கேட்டுக் கொள்கிறது...